Дзелавы візіт у Кенію і Танзанію

З мэтай прасоўвання беларускага экспарту ў краіны "далёкай дугі" і наладжвання двухбаковага супрацоўніцтва Магілёўскае аддзяленне БелГПП запрашае прыняць удзел у дзелавым візіце ў Кенію (г.Найробі) і Танзанію (г.Дар-эс-Салам) у перыяд з 5 па 11 лістапада 2023 г.

Праграма візіту прадугледжвае правядзенне сустрэч з афрыканскімі кампаніямі і ведамствамі ў адпаведнасці з заяўленымі інтарэсамі беларускіх прадпрыемстваў, арганізацыю прэзентацый, наведванне кампаній у Кеніі і Танзаніі, наведванне Міжнароднай будаўнічай выстаўкі " The Big Construct Kenya" (для членаў дэлегацыі будаўнічай галіны).

Плануецца: 5 лістапада пералёт Мінск – Дубай - Дар-эс-Салам, 6-7 лістапада дзелавая праграма ў Танзаніі, 8 лістапада пералёт Дар-эс-Салам –Найробі, 8-9 лістапада дзелавая праграма ў Кеніі, 10 лістапада выезд Найробі–Стамбул–Мінск.

Удзельнікі візіту атрымаюць магчымасць пашырыць узаемадзеянне і ўстанавіць новыя дзелавыя кантакты па ўсіх напрамках двухбаковага гандлёва-эканамічнага супрацоўніцтва.

Кошт удзелу ў дадзеным візіце будзе вызначаны пасля вызначэння колькаснага складу групы і будзе ўключаць выдаткі па арганізацыі дзелавой праграмы, паслугі перакладчыка, транспартнае абслугоўванне і пражыванне ў г.Найробі і г.Дар-эс-Салам.

Дадаткова аплачваюцца: авіяпералёт (ад 1380 еўра), камандзіровачныя (па нормах Мінфіна РБ), консульскі збор за візу ў Кенію (80 $) і Танзанію (50 $) (віза афармляецца анлайн).