Дні Рэспублікі Беларусь у Ліпецкай вобласці

Інфармуем, што ў перыяд з 30 лістапада па 1 снежня 2023 года адбудуцца Дні Рэспублікі Беларусь у Ліпецкай вобласці Расійскай Федэрацыі.

Удзел у мерапрыемствах прымуць Міністр фінансаў РБ Селіверстаў Ю.М., Надзвычайны і Паўнамоцны Пасол Рэспублікі Беларусь у Расійскай Федэрацыі Круты Д.М., Урад Ліпецкай вобласці Расійскай Федэрацыі на чале з Губернатарам Артамонавым І.Р. і іншыя афіцыйныя асобы.

Магілёўскае аддзяленне БелГПП запрашае Вас прыняць удзел у візіце ў г. Ліпецк, РФ для ўдзелу ў дзелавой частцы праграмы.

Запланавана: 29 лістапада - прыезд і размяшчэнне дэлегацыі ў г.Ліпецк; 30 лістапада - удзел у афіцыйных мерапрыемствах, у т.л. у стратэгічнай секцыі "Супрацоўніцтва Ліпецкай вобласці з Рэспублікай Беларусь", пасяджэнні рабочай групы па супрацоўніцтве Рэспублікі Беларусь і Ліпецкай вобласці, наведванне Асобай эканамічнай зоны "Ліпецк"; 1 снежня - правядзенне B2B перамоваў паміж прадстаўнікамі беларускага бізнесу і прадпрымальнікамі Ліпецкай вобласці, наведванне ліпецкіх прадпрыемстваў (зыходзячы з інтарэсаў удзельнікаў).

Магчымы цэнтралізаваны пераезд на камфартабельным мікрааўтобусе Мінск - Ліпецк - Мінск (пры зацікаўленасці ўдзельнікаў) або ўдзельнікі дабіраюцца ў Ліпецк самастойна.

Кошт удзелу ў візіце будзе сфарміраваны зыходзячы з колькаснага складу групы, затрат на падрыхтоўку дзелавой праграмы і паведамлены дадаткова.

З улікам сціслых тэрмінаў, просім вас аператыўна разгледзець дадзеную прапанову і не пазней за 22 лістапада 2023 г. прадставіць інфармацыю аб кандыдатурах удзельнікаў візіту і інтарэсах у Ліпецкай вобласці па спасылцы https://forms.gle/tePFh1MxDvWZ1mCy9 або на сайце www.mogilev.cci.by ў раздзеле «Запрашаем».