Візіт дэлегацыі беларускіх дзелавых колаў у Перу (г. Ліма) і Чылі (г. Ікіке)

У мэтах пашырэння рынкаў збыту беларускай прадукцыі, пошуку новых дзелавых партнёраў, наладжвання розных форм узаемавыгаднага супрацоўніцтва Магілёўскае аддзяленне Беларускай гандлёва-прамысловай палаты арганізуе ў перыяд з 18 па 21 верасня візіт дэлегацыі беларускіх дзелавых колаў у Рэспубліку Перу (г. Ліма). 

Праграмай візіту прадугледжана правядзенне двухбаковых В2G- і В2B-сустрэч і перагавораў. У Перу плануюцца сустрэчы з ключавымі міністрамі, кіраўнікамі рэгіёнаў, адказнымі за закупкі для дзяржаўных і рэгіянальных патрэб.

Партнёрам па арганізацыі дадзенага візіту на тэрыторыі Перу выступае дырэктар арганізацыі CCIBLATINAMERICA sac Серджыа Градос Марын.

Даведачна:

Па выніках праведзенай Магілёўскім аддзяленнем БелГПП работы па прасоўванні камерцыйных прапаноў, электронных каталогаў і сайтаў беларускіх прадпрыемстваў выяўлена зацікаўленасць з боку цэнтральных і рэгіянальных органаў кіравання, а таксама бізнесу Перу ў набыцці грузавых аўтамабіляў, самазвалаў, гарадскіх аўтобусаў, камунальнай тэхнікі, у тым ліку на газавым паліве, ад ААТ «МАЗ», трактароў розных мадыфікацый вытворчасці ААТ «МТЗ» і ААТ «БЗТДіА», рознага прычапнога сельскагаспадарчага абсталявання вытворчасці ААТ «Бабруйскаграмаш», цяжкіх машын розных мадыфікацый і прызначэння вытворчасці ААТ «АМКАДОР», лекавых сродкаў РУП » Белмедпрэпараты», шын вытворчасці ААТ «Белшына», спецыяльнага інструмента (асадкі) для свідравання і тэхналогіі па ліцці каляровых металаў і чыгуну, распрацаваных ІТМ НАН Беларусі, апаратуры для пераводу легкавых і грузавых аўтамабіляў на звадкаваны і сціснуты газ (LPG/CNG) вытворчасці ААТ «НЗГА», угнаенняў і нітак для рыбалоўных сетак ад ААТ «Гродна Азот».

Таксама адзначаецца, што ў Перу ў мэтах найхутчэйшага аднаўлення эканомікі пасля кавідных лакдаўнаў рэгіёнам прадастаўлена права самастойна набываць неабходную тэхніку і абсталяванне.

Заяўкі на ўдзел у візіце прымаюцца да 10 жніўня.