В Узбекистане стартует новый этап маркировки товаров

В Узбекистане стартует новый этап маркировки товаров
15 чэрвеня 2021 г

Пасольства Рэспублікі Узбекістан у Рэспубліцы Беларусь інфармуе, што на падставе пастановы Кабінета Міністраў Рэспублікі Узбекістан ад 20.05.2021 № ПКМ-322 пачынаецца новы этап абавязковай маркіроўкі спажывецкіх тавараў, які ахопіць фармацэўтычныя сродкі, напоі і бытавую тэхніку.

Часовае палажэнне ўключае парадак правядзення і этапы пілотнага праекта па лічбавай маркіроўцы. Праект накіраваны на праверку эфектыўнасці і дастатковасці механізмаў маркіроўкі і кантролю прадукцыі сродкамі лічбавай ідэнтыфікацыі для забеспячэння пацверджання сапраўднасці тавараў і процідзеяння ўвозу кантрафактнай і фальсіфікаванай прадукцыі.

Пілотны праект стартаваў з 1 чэрвеня 2021 г. для лекаў і медыцынскіх вырабаў, з 15 чэрвеня 2021 г. – для вады і напояў, з 1 ліпеня 2021 г. пачнецца яго рэалізацыя для бытавой тэхнікі.

Паэтапнае ўкараненне абавязковай маркіроўкі для лекаў і медыцынскіх вырабаў, вады і напояў пачнецца ўжо 2022 годзе, а для бытавой тэхнікі раней – з 1 снежня 2021 г.

Найменне тавару

Пілотныя праекты з маркіроўкай

Паэтапнае ўкараненне абавязковай маркіроўкі

Код

ТН ЗЭД

Лекі і медыцынскія вырабы

1 чэрвеня 2021

1 лютага 2022

3003, 3004

Вада і ахаладжальныя напоі

15 чэрвеня 2021

1 сакавіка 2022

2009, 2201, 2202

Бытавая тэхніка

1 ліпеня 2021

1 снежня 2021

8414, 8415, 8418, 8422, 8423, 8450, 8508, 8509, 8510, 8516, 8518,8519, 8521, 8525, 8527, 8528

Для ўдзелу ў пілотных праектах адабраны наступныя кампаніі:

лекі і медыцынскія вырабы – «Merrymed Farm», «Jurabek Laboratories», «Remedy Group», «Nobel Pharm Sanoat», «Temur Med Pharm»;

напоі - «Coca-Cola Ichimligi Uzbekistan», «International Beverages Tashkent», «Fruit Juice», «Hydrolife Bottlers», «Family Group»;

бытавая тэхніка – «Artel Engineering and Management», «Foton», «Texnopark», «Sino», «Roison Electronics».