Дні Рэспублікі Беларусь ў Хабараўскам краі

З 5 па 10 верасня ў Хабараўскам краі Расійскай Федэрацыі праходзілі Дні Рэспублікі Беларусь.

Мэты дадзенага мерапрыемства – умацаванне і развіццё дружалюбных адносін паміж Беларуссю і Хабараўскім краем, пашырэнне супрацоўніцтва ў розных галінах і ўмацаванне культурнага абмену паміж народамі.

У рамках Дзён Рэспублікі Беларусь Магілёўскае аддзяленне Беларускай гандлёва-прамысловай палаты арганізавала ў Хабараўску выставу буйнагабарытнай тэхнікі і кірмаш беларускіх тавараў.

Выстава прадставіла 17 адзінак тэхнікі і абсталявання прамысловых флагманаў краіны, у ліку якіх Мінскі трактарны завод і Мінскі аўтамабільны завод, прадпрыемствы «Гомсельмаш», «Лідсельмаш», «Бабруйскаграмаш», «Мінскаграмаш», «Магілёўліфтмаш» і Мінскі электратэхнічны завод імя У.I. Казлова.

Удзел у кірмашы прынялі шэсць прадпрыемстваў-вытворцаў мясамалочнай, кандытарскай і хлебабулачнай прадукцыі: «Бабуліна крынка», Мінскі малочны завод № 1, Магілёўскі мясакамбінат, «Чырвоны харчавік», «Камунарка», «Дамачай».

Тэкстыльную прадукцыю прадпрыемстваў канцэрна «Беллегпрам», такіх як «Палессе», «Алеся», «Магатэкс», «Стужка», «Бабруйсктрыкатаж», прэзентавалі ІП Куратнік A.Л. і ІП Пурчальянаў Ю. В.

Афіцыйнае наведванне і абыход выставы і кірмашу з удзелам губернатара Хабараўскага краю, Пасла Рэспублікі Беларусь у Расійскай Федэрацыі і старшыні Магілёўскага аблвыканкама адбылося 9 верасня. У рамках наведвання кіраўнікі прадпрыемстваў удзельнікаў правялі прэзентацыі прадстаўленай на выставе тэхнікі і распавялі аб наяўных выніках і планах у супрацоўніцтве з Хабараўскім краем. На кірмашы ўдзельнікі прадставілі сваю прадукцыю і правялі дэгустацыю. Акрамя таго, падарункам жыхарам Хабараўскага краю ад «бабулінай Крынкі» стаў сыр вагой 120 кг, які быў звараны спецыяльна для гэтых мерапрыемстваў.

Афіцыйнае наведванне і абыход выставы і кірмашу з удзелам губернатара Хабараўскага краю, Пасла Рэспублікі Беларусь у Расійскай Федэрацыі і старшыні Магілёўскага аблвыканкама адбылося 9 верасня. У рамках наведвання кіраўнікі прадпрыемстваў удзельнікаў правялі прэзентацыі прадстаўленай на выставе тэхнікі і распавялі аб наяўных выніках і планах у супрацоўніцтве з Хабараўскім краем. На кірмашы ўдзельнікі прадставілі сваю прадукцыю і правялі дэгустацыю. Акрамя таго, падарункам жыхарам Хабараўскага краю ад «Бабулінай Крынкі» стаў сыр вагой 120 кг, які быў звараны спецыяльна для гэтых мерапрыемстваў.

У рамках дзелавой праграмы 8-9 верасня адбыліся сумеснае пасяджэнне рабочай групы па супрацоўніцтву Хабараўскага краю Расійскай Федэрацыі і Рэспублікі Беларусь, бізнес-перамовы і бізнес-форум «Хабараўскі край – Рэспубліка Беларусь» на якіх беларускія і расійскія прадстаўнікі ўлады і бізнесу абмеркавалі пытанні супрацоўніцтва ў розных сферах. Бізнес-дэлегацыя прыняла ўдзел у пленарным пасяджэнні V Далёкаўсходняга форуму прадпрымальнікаў, наведала шэраг хабараўскіх прадпрыемстваў.

Усе ўдзельнікі візіту наведалі сумесны расійска-беларускі канцэрт, на якім Беларусь прадстаўляў калектыў «Весялуха» Магілёўскай абласной філармоніі.