Нацыянальная экспазіцыя Беларусі на міжнароднай выставе FIA у Алжыры

Беларусь прадстаўляе нацыянальную экспазіцыю на міжнароднай выставе FIA, якая праходзіць у Алжыры 20–25 чэрвеня.

FIA – адна з найбольш прэстыжных выставачных падзей у Паўночнай Афрыцы. Значнасць і статус выставы пацвярджае той факт, што яе адкрыццё наведаў Прэзідэнт Алжырскай Народнай Дэмакратычнай Рэспублікі Абдэльмаджыд Тэббун.

У нацыянальнай экспазіцыі Рэспублікі Беларусь удзельнічаюць 11 айчынных прадпрыемстваў, якія прадстаўляюць розныя галіны. Арганізатарамі экспазіцыі выступаюць Беларуская гандлёва-прамысловая палата і выставачнае прадпрыемства «Белінтэрэкспа» БелГПП.

Сваю якасную прадукцыю і перадавыя тэхналогіі гасцям выставы дэманструюць флагманы прамысловасці ААТ «МАЗ» – кіруючая кампанія холдынгу «БЕЛАЎТАМАЗ» і ААТ «БМЗ – кіруючая кампанія холдынгу «БМК», а таксама вытворцы малочнай прадукцыі Слуцкі сыраробны завод і Мінскі малочны завод № 1.

Калектыўны стэнд Дзяржаўнага камітэта па навуцы і тэхналогіях Рэспублікі Беларусь прадстаўлены ўстановамі Міністэрства адукацыі і арганізацыямі Нацыянальнай акадэміі навук Беларусі, якія дэманструюць больш за 30 навукова-тэхнічных і інавацыйных распрацовак.

Напярэдадні адкрыцця выстаўкі, 19 чэрвеня, адбыўся Алжырска-Беларускі форум з удзелам прэзідэнта Гандлёва-прамысловай палаты Алжыра Камеля Хамені, генеральнага дырэктара ГПП Алжыра Хоціна Зауі, намесніка дырэктара УП «Белінтэрэкспа» БелГПП Андрэя Шахановіча, сакратара Пасольства Беларусі ў Егіпце Ігара, прадстаўнікоў бізнес-колаў дзвюх краін.

У ходзе форуму адбыліся прэзентацыі гандлёва-эканамічнага і інвестыцыйнага патэнцыялу Беларусі і Алжыра, абмяркоўваліся магчымасці пашырэння ўзаемадзеяння па лініі гандлёва-прамысловых палат.

Форум таксама стаў пляцоўкай для правядзення перагавораў і сустрэч B2B паміж прадстаўнікамі беларускіх і алжырскіх кампаній, дзе абмяркоўваліся ўмовы супрацоўніцтва і экспарту прадукцыі, навукова-тэхнічных распрацовак і паслуг на алжырскі рынак. Мерапрыемства наведалі больш за 50 прадстаўнікоў бізнесу Алжыра.