Прэзентацыя патэнцыялу беларускіх прадпрыемстваў харчовай прамысловасці для прадстаўнікоў замежных дыпламатычных місій, акрэдытаваных у Рэспубліцы Беларусь

Кіраўнікі і прадстаўнікі дыпламатычных місій 26 краін, акрэдытаваных у Рэспубліцы Беларусь, прынялі ўдзел у выязной прэзентацыі патэнцыялу беларускіх прадпрыемстваў харчовай прамысловасці ў рамках праекта FOOD PROM EXPORT. Мерапрыемства арганізавана Беларускай гандлёва-прамысловай палатай і канцэрнам «Белдзяржхарчпрам».

У рамках мерапрыемства прадстаўнікі дыпламатычных місій наведалі СААТ «Камунарка» і ААТ «Мінскі завод пеністых він», дзе азнаёміліся з працэсамі вытворчасці прадукцыі, правялі перагаворы з кіраўніцтвам кампаній.

На пляцоўцы Мінскага завода ігрыстых він адбыўся бізнес-брыфінг з удзелам старшыні канцэрна «Белдзяржхарчпрам» Алега Жыдкова, старшыні БелГПП Міхаіла Мятлікава, кіраўнікоў і прадстаўнікоў падведамных прадпрыемстваў канцэрна: ААТ «Чырвоны харчавік», ААТ «Кандытарская фабрыка «Слодыч», СП ААТ «Слодыч», СТАА «Інтэрферм», ААТ «Гама густу», ААТ «Маларыцкі кансерваваагароднінасушыльны камбінат», ААТ «Лідскія харчовыя канцэнтраты», ААТ «Менскі маргарынавы завод», ААТ «МІНСК КРЫШТАЛЬ» – кіруючая кампанія холдынгу «МІНСК КРЫШТАЛЬ ГРУП». У ходзе брыфінгу ўвазе дыпламатаў прадстаўлены экспартныя магчымасці беларускіх прадпрыемстваў, разгледжаны перспектывы пашырэння супрацоўніцтва айчынных вытворцаў прадуктаў харчавання і напіткаў з замежнымі партнёрамі.

Старшыня БелГПП падзякаваў прадстаўнікам дыпламатычнага корпуса за цікавасць, праяўленую і мерапрыемству і беларускім кампаніям, а таксама адзначыў, што праект FOOD PROM EXPORT можа стаць дзейсным механізмам прэзентацыі магчымасцей прадпрыемстваў харчовай прамысловасці, садзейнічаць выхаду беларускай прадукцыі на новыя рынкі.