Сустрэча старшыні БелГПП М.Мятлікава з прэзідэнтам Тамбоўскай абласной ГПП А.Варонінай

У Беларускай гандлёва-прамысловай палаце адбылася сустрэча старшыні БелГПП Міхаіла Мятлікава з прэзідэнтам Саюза «Тамбоўская абласная гандлёва-прамысловая палата» Расійскай Федэрацыі Аленай Варонінай.

Кіраўнікі гандлёвых палат абмеркавалі пытанні міжпалацкага ўзаемадзеяння, планы па правядзенні мерапрыемстваў з удзелам прадстаўнікоў дзелавых колаў дзвюх краін. У прыватнасці, былі разгледжаны перспектыўныя напрамкі супрацоўніцтва ў рамках падпісанага напярэдадні пагаднення паміж Тамбоўскай ГПП і Гомельскім аддзяленнем БелГПП.

Гомель – гэта трэці беларускі рэгіён, з якім на ўзроўні гандлёва-прамысловых палат заключаны пагадненні аб супрацоўніцтве з Тамбоўскай вобласцю.