Беларуская ягада адпраўляецца ў Сербію

З 28 студзеня па 1 лютага 2025 года адбыўся візіт беларускіх дзелавых колаў у г. Бялград (Рэспубліка Сербія), арганізаваны Магілёўскім аддзяленнем Беларускай гандлёва-прамысловай палаты пры садзейнічанні Пасольства Рэспублікі Беларусь у Рэспубліцы Сербія. У мерапрыемстве прынялі ўдзел 6 айчынных прадпрыемстваў.

Беларуская дэлегацыя наведала вядучы гандлёвы кірмаш "Agro Belgrade" у г. Бялградзе, дзе правяла шэраг перамоваў з вытворцамі замарожаных ягад, сельскагаспадарчай тэхнікі і абсталявання, а таксама з супрацоўнікамі гадавальнікаў раслін.

Сумесна з таварыствам сербска-руска-беларускага сяброўства ў гарадской адміністрацыі г. Чачак і муніцыпалітэце Арыле былі арганізаваны сустрэчы і перагаворы з кіраўніцтвам гарадоў, а таксама наведванне сельскагаспадарчых прадпрыемстваў рэгіёну.

У рамках запланаваных мерапрыемстваў у Пасольстве Рэспублікі Беларусь у Рэспубліцы Сербія дэлегацыя сустрэлася з Надзвычайным і Паўнамоцным Паслом Рэспублікі Беларусь у Рэспубліцы Сербія і па сумяшчальніцтве ў Рэспубліцы Паўночная Македонія Сяргеем Маліноўскім. Удзельнікі абмеркавалі пытанні беларуска-сербскага гандлёва-эканамічнага супрацоўніцтва.

Таксама падчас гэтай сустрэчы прайшлі В2В перамовы з удзелам прадстаўнікоў сербскага бізнесу, асацыяцый і арганізацый. Беларускія суб'екты гаспадарання правялі прэзентацыі, абмяняліся кантактамі з патэнцыйнымі партнёрамі і абмеркавалі перспектывы далейшага супрацоўніцтва.

Па выніках візіту заключаны кантракт на пастаўку ў Сербію беларускіх ягад.

Калі вы зацікаўлены ў супрацоўніцтве з прадпрыемствамі Рэспублікі Сербія, просім накіроўваць запыты ў аддзел знешнеэканамічных сувязей Магілёўскага аддзялення БелГПП па электроннай пошце: ves.mogilev@cci.by або па тэл. +37533 6070805, +375 222 778034.